ဆယ်ဘို့တစ်ဘို့ပေးကမ်းခြင်းနှင့်ပတ်သက်၍ သမ္မာကျမ်းစာက မည်သို့ဖော်ပြ ထားသနည်း။

ေမးခြန္း: ဆယ်ဘို့တစ်ဘို့ပေးကမ်းခြင်းနှင့်ပတ်သက်၍ သမ္မာကျမ်းစာက မည်သို့ဖော်ပြ ထားသနည်း။

အေျဖ: ခရစ်ယာန်များစွာတို့က ဆယ်ဘို့တစ်ဘို့ပေးကမ်းခြင်းနှင့်ပတ်သက်၍ သိရှိရန် ကြိုးပမ်း ခဲ့ကြပါသည်။ အချို့သောအသင်းတော်များတွင် ဆယ်ဘို့တစ်ဘို့အကြောင်းကို ပို၍ဦးစားပေး တတ်ကြသည်။ သို့သော်အချို့သော အသင်းတော်များတွင် ဘုရားသခင်အားပေးကမ်းလှူဒါန်းခြင်း နှင့်ပတ်သက်၍ သမ္မကျမ်းစာသွန်သင်ချက်များကို ငြင်းပယ်တတ်ကြသည်။ ဆယ်ဘို့တစ်ဘို့ပေး ကမ်းခြင်းနှင့် အလှူဒါနပြုခြင်းတို့သည် ဝမ်းမြောက်ခြင်းနှင့်ပျော်ရွှင်ခြင်းများကို ဖြစ်စေတတ်သည်။ ဝမ်းနည်းစရာတခုသည် ယနေ့အသင်းတော်တွင် ပေးကမ်းခြင်းက ဝမ်းမြောက်ခြင်းနှင့် ပျော်ရွှင်ခြင်း ဖြစ်စေတတ်သည်ကို မသိကြခြင်းဖြစ်သည်။

ဆယ်ဘို့တစ်ဘို့ပေးကမ်းခြင်းသည် ဓမ္မဟောင်း၏သွန်သင်ချက်ဖြစ်သည်။ ဣသရေလလူ မျိုးများသည် မိမိရရှိသောငွေကြေးများထဲမှ ဆယ်ဘို့တစ်ဘို့ကို ပေးလှူရန်နှင့် ၎င်းကိုတဲတော် (သို့) ဗိမာန်တော်သို့ယူဆောင်ရန် ပညတ်တော်ကသွန်သင်ထားပါသည် (ဝတ်ပြု၊ ၂ရး၃၀၊ တောလည်၊ ၁၈း၂၆၊ တရားဟော၊ ၁၄း၂၄၊ ၂ရာ၊ ၃၁း၅)။ တကယ်တန်းကျတော့၊ ဓမ္မဟောင်းထဲ၌ ရှိသော ပညတ်တော်က ဆယ်ဘို့တစ်ဘို့အပြင် တစ်ရာမှာ ၂၃.၃ ပေးလှူရန် တောင်းဆိုထားပါ သည်။ ယနေ့ အများအားဖြင့် ဆယ်ဘို့တစ်ဘို့ ပေးလှူရန် ယူဆတတ်ကြသည်။ အချို့သော လူပုဂ္ဂိုလ်များက ဓမ္မဟောင်းထဲ၌ ဆယ်ဘို့တစ်ဘို့ပေးကမ်းခြင်းသည် ယဇ်ပူဇော်ခြင်း ကဏ္ဍတွင် ယဇ်ပရောဟိတ်များနှင့် လေဝိတို့၏လိုအပ်မှုများအတွက် ဆယ်ဘို့တစ်ဘို့ကို အခွန်ကဲ့သို့ ကောက်ယူခြင်းဖြစ်သည်ဟု သိရှိကြပါသည်။ ဓမ္မသစ်ကျမ်းစာထဲတွင် ဆယ်ဘိုတစ်ဘို့ပေးလှူရန် တောင်းဆိုမှု(သို့)ပြန်လည်အသိပေးခြင်းကို မတွေ့ရပေ။ ယုံကြည်သူတို့သည် အသင်းတော်ကို ထောက်ပ့ံရန် မိမိရရှိထားသောဝင်ငွေမှ မိမိစိတ်စေတနာဆုံးဖြတ်ချက်ရှိသည့်အတိုင်းပေးလှူရန် တမန်တော်ရှင်ပေါလုက ဖော်ပြထားပါသည်။ (၁ကော၊၁၆း၁-၂)

ဓမ္မာသစ်ကျမ်းထဲတွင် မိမိရရှိထားသောဝင်ငွေမှ တစ်ရာမှာမည်မျှပေးလှူရန်ချန်ထားရမည် ဟူ၍ဖော်ပြထားခြင်းမရှိပေ။ ဝင်ငွေနှင့်အတူချန်ထားရန် အတွက်သာပြောထားပါသည်။ (၁ကော၊ ၁၆း၂)။ အချို့သောအသင်းတော်များတွင် ဓမ္မာဟောင်း၏ သွန်သင်ချက်ဖြစ်သော ဆယ်ဘို့တစ် ဘို့ကိုစွဲကိုင်ရန်ဆယ်ဘို့တစ်ဘို့ကိုသာပေးလှူရန်ဖြစ်ကြောင်းနှင့်ခရစ်ယာန်များအလှူဒါနပြုရာတွင်ဆယ်ဘို့တစ်ဘို့ကိုသာပေးလှူရမည်ဖြစ်ကြောင်းခံယူထားကြသည်။ထောက်ခံအားပေး၍သွန်သင်တတ်ကြပါသည်။ဓမ္မာသစ်ကျမ်းထဲတွင်ပေးကမ်းခြင်း၏အရေးပါမှုနှင့်အကျိုးကျေးဇူးများကိုဖော်ပြထားပါသည်။ ကျွနူ်ပ်တို့သည်မိမိစိတ်ထဲတွင်ရှိသည့်အတိုင်း ပေးလှူရမည်ဖြစ်သည်။ တခါတရံ ဆယ်ဘို့တစ်ဘို့ထက်များသော ပမာဏလည်းဖြစ်နိုင်သည်။ တစ်ခါတရံဆယ်ဘို့တစ်ဘို့ အောက်လည်းလျော့နည်းနိုင်သည်။ ၄င်းသည် ခရစ်ယာန်တို့၏ စိတ်ဆန္ဒနှင့် အသင်းတော်၏လို အပ်မှုပေါ်မူတည်သည်။ ယုံကြည်သူအယောက်စိတိုင်းက ဆယ်ဘို့တစ်ဘို့ပေးကမ်းခြင်း၌ ပါဝင်ရန် နှင့် မည်သို့ပေးလှူရမည်ကိုသိရှိရန် ဘုရားသခင်၏မျက်နှာတော်ကိုရှာ၍ ဆုတောင်းရပေမည်။ (ယာ ကုပ်၊၁း၅)။ ထိုပြင်ဆယ်ဘို့တစ်ဘို့ပေးလှူခြင်း၊ အလှူဒါန ပေးကမ်းခြင်းတို့သည် စိတ်နှလုံးဖြူစင် ခြင်း၊ ဘုရားသခင်ကို ကိုးကွယ်ခြင်းနှလုံးသားနှင့် ခရစ်တော်၏ခန္ဓာကိုယ်အတွက်ပေးကမ်းခြင်း စသော ရည်ရွယ်ချက်တို့ဖြင့် ပေးလှူရမည်။

“လူတိုင်း ကိုယ်အလိုအလျောက်လှူရ၏။ နှမြောသောစိတ်နှင့် မလှူရ။ မလှူဘဲမနေရ ဟု စိတ်ထင်နှင့် အလှူရ။ အကြောင်းမူကား၊ စေတနာစိတ်နှင့် လှူသောသူကို သာဘုရားသခင် နှစ်သက်တော်မူ၏” (၂ကော၊ ၉းရ)။